政府決定發兩個免費電視牌而唔係三個，就應該評估到唔少市民會起哄。過去一個星期，市民都要求政府解釋唔發牌畀香港電視嘅原因，呢兩日，就算係有份決定唔發牌嘅行政會議成員，都認為政府應該解釋多啲。根據我哋尋日報道，拒發牌畀香港電視其實有好充分嘅理由，但係商務及經濟發展局局長蘇錦樑罵不還口，點都唔講，咁夠定力，唔通佢係聖人？
