東方報業集團獨家揭發「貪曾」前特首曾蔭權爵士喺卸任後將一批貴價茅台由禮賓府運往前特首辦，好明顯係諗住收埋啲茅台慢慢歎。不過三個月前，貪曾突然「割愛」將嗰批茅台運返禮賓府，同「貪湯」前廉政專員湯顯明被揭豪花公帑豪買烈酒嘅時間不謀而合。貪曾好似做賊咁鬼祟，將私藏茅台送番去畀禮賓府。佢退還啲酒當然唔係因為良心發現，而係風聲緊，容乜易又有人要求廉署因此立案o架，所以咪送走佢安安樂樂囉。
