休班救護施援手同中招
【本報訊】「咁啱休息去街市買嘢，點知突然聽到後面有人慘叫，轉頭一睇竟見到有個男人亂噴鏹水，好多人被噴中，我咪即刻攞水幫佢哋洗傷口！」目睹傷人經過的休班救護員「阿輝」，無忘記自己救急扶危的身份，不顧安危上前向傷者淋身，雖然不慎被鏹水濺中受傷，但卻成為街市救人英雄。
謙稱盡職責非英雄
現年四十一歲的「阿輝」，為救護總隊目，現駐守長沙灣救護站。他表示，昨趁休息日與友人逛保安道街市，當時他正低頭選購物品，突然背後傳來一陣慘叫聲，遂抬頭轉身查看，赫然見到一名男子手持着膠樽向人亂噴，大批市民亂走亂叫。
由於他聞到強烈腐蝕性液體氣味，知道有人亂噴鏹水，救人要緊，他立刻問其他檔口東主拿來清水，走到生果檔替中招市民清洗傷口。
「阿輝」首先將傷者分流，再叫他們除衫逐一洗掉身上的鏹水，期間他亦被鏹水濺中左肩，需送院治理。事後他謙稱自己並非救人英雄，救人是其職責，無論休班或當更亦一樣會這樣做。