探射燈：自製護膚品 方法易買料難
市面上興起一股DIY熱潮，深受一眾愛美的女士追捧，購買化學原料自製護膚品和化妝品；坊間亦有不少興趣中心教授化妝品及護膚品DIY製作，學員花費數百元學費便可製成魚子精華液、蝸牛萃取面霜、幹細胞精華液，就連染髮膏都有。
去年自創護膚品品牌的藝人徐淑敏指，其產品全由護膚品研究所自行研製而成，她坦言，自製護膚品的方法不難，但購買原材料卻絕不容易，「買護膚品原材料喺台灣比較易，但香港就參差啲，我以前去過幾間環境都唔係幾好，我都有買到少少原材料試吓，但效果唔係幾好，所以依家只會選擇有證書嘅原材料嚟整護膚品。」
皮膚病患應揀低敏產品
皮膚科專科醫生陳衍里表示，由品牌生產的護膚品和化妝品經過多次測試，減低產品對皮膚的刺激性，「市民自己溝化妝品再放上面，梗係高風險，例如濃度過高就會造成刺激，令皮膚發炎。」他指，皮膚病患者切忌自行製造護膚品和化妝品，應選用通過測試的低敏產品。