港媽火都嚟！
「排隊正常論 揞住良心」
馮女士兒子明年入讀幼兒班（K1），她指今年屯門區幼稚園排隊報名甚怪異，家長由報一、兩間增至報十間以確保入讀機會，「屋邨樓下幼稚園以前唔使排，依家要早兩三日排，幾百人爭幾十個學位，我哋本地家長就好像少數民族咁」。又說兩年前受「雙非人」來港產子飽受無床位、無產檢之苦，如今再爭學位，如果說排隊是正常，「唔止係涼薄，而係揞住良心，佢唔係香港人？」
「我哋納稅人 先係港府老闆」
育有一子一女的黃太，大女出生時因雙非逼爆醫院，她要自費產檢，雖然大女已入讀K1，但擔心中港爭奪戰漫漫長路，「舊年都報成九間幼稚園，你估好好玩呀，唔辛苦o架……爭在未爭男女朋友、結婚對象，邊個幫我哋納稅人，我想同政府講我哋先係你老闆，見到排成千人，火都嚟埋！」。港府反而強調學額充足地玩數字遊戲，「將K1到K3學額加埋話夠，唔好呃香港市民啦！」