街市女廁 去完想嘔
轄下街市廁所殘舊兼損毀，食環署被轟管理不善。劉女士常到深水埗北河街熟食中心用膳，發現同層女廁衞生情況惡劣，不滿情況持續多時仍未見改善，「個女廁殘舊都算，仲要好多格廁所嘅水掣都壞晒，地下又成日有污糟積水，每次去完都想嘔，返到出去都冇晒食欲啦！」
沖水掣壞 地面積水
食物環境衞生署發言人證實，涉事女廁廁格有沖水按掣損壞及地面積水，除轉介建築署安排維修外，亦向街市管理承辦商發出口頭警告，要求跟進改善，惟覆查時發現情況依舊，已向承辦商發出失責通知書，至於損壞之沖水按掣事後已修妥。
「食環署個辦公室明明就喺同一幢樓，點解可以由得啲設施壞晒都唔理？」劉女士不滿食環署對轄下設施情況不聞不問。