一個人無賴、無恥果然最無敵！
貪湯面對發假誓作假證供指控，為求自保，不惜使用「十大賤招」迴避立法會帳目委員盤問，今次更拖埋一手提攜佢做廉政專員的貪曾落水；然而，「兩兄弟互相包庇歎世界」，狼狽為奸，使香港廉政公署三十多年建立的聲譽，驟然變成一團漆黑！
貪湯烏鴉站在豬身上，只看到別人身上黑，厚顏無恥死撐「清者自清」，香港有啲咁嘅「廉政專員」，唔沉淪就有鬼咯！老朽想起杜甫一首抒發對奸人、庸才深惡痛絕的五言詩《惡樹》：獨繞虛齋徑，常持小斧柯。幽陰成頗雜，惡木剪還多。枸杞因吾有，鷄棲奈汝何。才知不材者，生長漫婆娑。
這詩有三層意思，據學者王允閭說，一是表明除惡務盡，手持斧柯，遍繞叢林，見着惡木就加以剪伐；二是深深慨嘆惡木伙聚，庸劣成群，剪不勝剪，無法實現其扶正祛邪的願望；三是從枸杞、鷄棲（皂莢樹）蔓延成長的現象，悟出了賢材很難成長而惡木易於澎生的道理，詩聖杜甫「新松恨不高千尺，惡竹應須斬萬竿」的心情，可謂呼之欲出！
同樣，本報獨家揭發「絕代雙貪」的報道，證據確鑿，發揮新聞第四權的監督效應，可惜，廉署調查貪曾之案，已逾一年依然只聞樓梯響！令市民等得不耐煩，更深感香港廉政正在倒退。
眼見內地「老虎蒼蠅一起打」，香港卻依然一副「白髮漁樵江渚上，慣看秋月春風」的好整以暇，難怪貪湯睇清睇透，一味「唔記得、唔知道」，前「貪」可鑑，「事到無為意轉平」，拖得就拖，果真「清者自清」？咁落去，香港廉政之劍不但銹蝕，遲吓更會斷成幾截！如此法治，香港玩完！