房車四度遭刑毀 警檢控乏力
李先生居住粉嶺嘉盛苑，自去年起座駕已先後四次遭人刮花，事發過程亦被停車場所設閉路電視拍下。李曾多次向警方求助，惟警方一直未有任何檢控行動，「我架車先後畀人刮花咗四次，條痕超過兩米。閉路電視乜都拍低晒，個人樣又夠晒清，點解警方到依家都未拉到人！」
警方發言人證實，大埔警區於去年七月接獲一宗發生於粉嶺嘉盛苑停車場的刑事毀壞案件，已將案件與較早前涉及同一部車輛的兩宗刑事毀壞案合併調查。經調查後，警方曾拘捕一名男子，但因證據不足而未有檢控，已通知報案人結果。
「閉路電視乜都影低晒，點會證據不足？仲叫我自己查到新證據先再報案，人人可以自己查就唔使警察啦！佢哋都唔知有冇睇過條片！」李先生對警方的回覆深表不滿，將就事件追究到底。