新馬季近日「開鑼」，馬會的電話投注服務卻引發馬迷不滿。陳先生使用1881投注服務熱線投注時遇上線路繁忙，結果被轉駁至1886電話投注自動服務系統。「自己按掣好易按錯，點都唔及同職員直接口頭落注咁方便！」陳指有關系統或令投注人士錯失投注機會，要求馬會改善。
「呢個自動系統嘅過關投注只會接受投注三關，有時想過多幾關又買唔到！」另一馬迷張先生亦指馬會的投注系統不便使用，要求馬會加以正視。
馬會發言人指出，為提升電話投注繁忙時段的來電接通率，並減少顧客等待接聽而錯失投注機會，今年四月起，已將賽馬日繁忙時段內未能趕及接聽的來電轉駁至自動服務系統，以提升整體來電接通率。此外，馬會亦已落實進一步優化系統，包括增加賽馬過關投注的過關數目。
「投注系統應該愈改愈方便至啱，依家搞到仲差咗，馬會都好離譜！」陳先生要求馬會盡快跟進及作改善。