白鴿黨趁住近日開發郊野公園議題鬧得熱烘烘，尋日召開記招反建議政府引用《收回土地條例》，以建設公共設施為名，收番新界啲閒置農地，仲搵四大地產商開刀，收番佢哋夾埋共九百七十公頃嘅農地。該黨立法會議員胡志偉話，有地產商三十年前已經囤地，唔少農地閒置咗好耐，不如收番來起公屋、居屋仲好。該黨葵青區議員尹兆堅仲話，如果政府唔規管囤地，唔得公義喎！如果冇特別理據支持下，就用法例去徵收閒置農土，咁同強搶民產有乜分別？白鴿黨係咪想盲搶地呢？
