地底纜故障 毀全屋電器

「嗰日返到屋企先知停晒電，仲有個中電職員挖開咗屋企門口笪地做工程，後尾有番電先知好多電器都燒咗！」居於水蕉新村的程先生向記者展示電視、雪櫃、電水壺及光管等共十一件因事故而損毀的電器時，指中電派員維修後曾承諾會賠償損失，惟等候近兩星期仍未獲確切回覆。

程續說，中電最初要求提供電器維修費報價，但因不少電器如光管等均無法維修，職員即指示可先行購買相類電器，再憑單索償，「其實佢肯一物換一物畀我已經冇問題，我得一個人搵錢養一家五口，有錢都買咗書簿畀啲細路開學啦，仲邊有閒錢買過晒啲電器，又要我四圍搵報價！」程指中電職員不時會就金額討價還價，完全無視他與家人失去電器的不便。

雪櫃於事故後無法運作，程先生須借用鄰居雪櫃冷藏食物。

電器損壞 多件家庭電器因供電電壓波動而損壞。

「未必有錢買咁多電器」

「中電既然已經承認責任，就應該搵獨立嘅公正行做報價，而唔係同當事人討價還價。」香港公正行技術總監賴達明直言中電做法有欠穩當。賴又指，如單位因電器故障而變得不宜居住，當事人更可追討期間的居住損失，即租住其他單位的所需費用。

理工大學機械工程學系工程師盧覺強則說，涉事電器損毀很大機會因電壓過大所致，惟類似事故不甚普遍。盧指一般家居電力總掣皆設有安全裝置，遇上電流過大時會自行「跳掣」，相信事故期間裝置曾啟動中斷電流；但若有關裝置失靈，類似的電壓波動隨時可能引起火警。

「好多家庭都未必可以一時間有錢買咁多電器，中電咁大間機構就唔應該大蝦細，應該要快啲幫人解決問題！」立法會民政事務委員會委員王國興直斥中電賠償程序緩慢，又認為事故有一定危險性，促中電應盡快調查意外成因，以防止事故再次發生。

中電發言人承認，有關單位的電力供應曾出現電壓波動，但未有說明事故詳情，只稱事故與一條低壓地底電纜發生故障有關。發言人又說，職員接獲索償要求後，已即日派人上門跟進，因當事人一直未能按程序提交維修損毀電器單據或報價資料，公司只能自行於市面尋找同類電器作內部評估。

程先生其後證實，向本報投訴後，終在日前取得賠償。