未到期先變壞 疑廠房冷藏出問題
【本報訊】海天堂龜苓膏產品品質問題愈揭愈多，有市民向本報投訴，指一盒最佳食用日期為今年年底的海天堂輕便保鮮裝龜苓膏「未到期先變壞」，開封後龜苓膏呈海綿狀，事件亦揭發海天堂早已知悉問題，反映問題龜苓膏並非單一個案。
有如濕水海綿
「一打開個蓋呷咗面頭啖汁就覺得唔對路，個龜苓膏完全唔係食開嘅啫喱狀，而係好似一舊濕水海綿咁，好核突，即刻唔敢食！」禤先生早前在上水彩園邨的超市購入一盒預先包裝的「海天堂正宗龜苓膏」，有效食用日期為一三年十二月三日，一直儲藏於雪櫃，近日進食時發現質感有異，質疑食品經已變壞不宜食用。「都唔知係咪整嗰陣有問題，呢兩日睇新聞見佢啲龜苓膏又發霉又話冇龜板，咩信心都冇晒，以後都唔敢食啦！」
記者向海天堂查詢，發言人盧先生昨指事件經已解決，其他問題交由律師處理。禤先生引述海天堂的解釋稱，該公司職員坦承早前已接獲類似品質問題的報告，懷疑龜苓膏在冷藏期間出現問題，而相同情況在廠房冷藏時亦曾發生，指公司正追查原因，並盡量避免問題再次發生。禤先生獲賠償一盒相同的龜苓膏。
立法會食物安全及環境衞生事務委員會委員張國柱認為，政府有必要主動調查，確保問題食品不會流入市面，保障市民健康。「海天堂都要盡快出嚟向公眾交代，解釋龜苓膏點解會出現咁多問題，食環署亦要加緊對一啲受歡迎食品主動抽查，始終都係市民食落肚嘅嘢，唔好下下等人投訴先去做嘢！」