啟剛話,做咗爸爸固然開心,但有好多細節同禁忌要學。佢媽媽朱玲玲好有心思,送咗部單鏡反光相機同大光圈鏡頭畀佢,等佢影囝囝影得靚啲。
鄭志剛已為人父兩年
除咗啟剛,同場唔少青年才俊都好事近,有人就快做老襯、有人就快添丁,仲有人靜靜地做咗爸爸添!全國青聯副主席鄭志剛(Adrian)同海味大王女兒余雅穎結婚三年多,一直保持低調,據聞早就做咗爸爸添!卓妮當面問Adrian做咗爸爸未?佢就答話:「做咗喇,做咗兩年喇!」但當追問佢究竟係生仔定女時,佢把口始終都密實。
今年初結婚嘅會董潘偉業,同太太鄺晶晶(Akiko)甜蜜現身,明顯肚凸凸嘅Akiko甜笑宣布,已懷有三個半月身孕,日前照咗超聲波,醫生話九成機會係女,老爺潘少忠好開心,應承會送間豪宅畀佢。喜事近嘅仲有前立法會議員楊孝華長子楊哲寧(Jonathan),將與拍拖四年、從事物流業嘅女友林佩嫺拉埋天窗,明年一月喺香港迪士尼舉行夢幻婚禮,擺六十圍大宴親朋。
卓妮