唔知大家仲記唔記得「老周電視台」呢？話說呢個台係多年前經典電影《精裝追女仔２》劇中嘅一個電視台，電影講述老周為咗慳錢，所以喺佢電視台嘅節目都經常要親自上陣。最近就有網民整咗幅以「老周電視，一人作戰」為題嘅設計圖片，當中除有多個亞洲電視主要投資者王征樣貌外，地下還有多個印有「良心」二字嘅心形字牌。最重要係圖片中無數個王征做緊唔同動作，莫非網民係想寸王征好似「老周」咁將要孤軍作戰？
（互聯網）