謝偉俊訪台謝絕觀光
有份參加考察團嘅謝偉俊（Paul）話，為咗避免被人誤會佢哋借考察為名去觀光遊玩，一行十幾人喺台灣當地食得非常清淡，就算接受當地協會宴請，都會規定每人唔可以使超過三百五十元，費事被人話佢哋「食得太豪」。佢又透露，部分非常好客嘅協會成員曾經邀請議員們晚上出外觀光，但佢就認為呢啲應酬與公務無關，覺得都係可免則免，於是決定謝絕對方好意，改去書店打書釘，又話唔知其他議員有冇乘機出去觀光喎。
雖然議員們堅持食得清淡，但部分議員仍然預先改定機票留喺日本玩多幾日，當中包括梁耀忠同長毛梁國雄。雖然額外行程費用由議員自付，但唔知咁又算唔算賺咗張機票錢呢？