中環出更：湊龍鳳Ｂ 何倍倩聘星級陪月
時興請陪月湊Ｂ，誕下龍鳳胎兩個月嘅恒生新抱兼Zensation Beaute行政總裁何倍倩（Anina）都請咗位「星級陪月」，月花高達數萬元，但陪月識煲靚湯、識湊Ｂ竅門，佢就認為好值得嘞。
家中已有幾個外傭嘅Anina，堅持請中國傭人湊Ｂ，貪佢哋夠細心。生第一胎時，佢已透過中介公司請陪月，精挑細選揀來一位阿姨，呢一胎決定繼續聘用，仲請足對方八個月。到底「星級陪月」要有乜條件？Anina話，有愛心最緊要，年紀唔可以太大，仲要識煲滋補湯水，等佢安心坐月。佢大讚陪月阿姨恍如家庭醫生咁體貼，不時按佢體質煲湯，例如手術後就先煲活血化瘀的湯水，再清燉雞湯畀佢補身，湯水款式天天新穎，滋味無窮。
佢又感謝好友送上大批ＢＢ賀禮，廠商會會董陳家偉就送咗唔少健康食品畀佢。可能補身有法，Anina發現生完呢胎，頭髮密咗，體質比未生前更好。月尾佢將同老公及大仔遊蘇梅島歎世界，果然係最幸福媽咪。
卓妮