港鐵站出口 煲煙黑點
「長沙灣站行去A出口條路好長，啲煙民成日等唔切，行行下已經點煙食，啲煙係咁飄埋嚟，我哋跟喺後面要被迫吸晒啲二手煙！」何先生每天均使用港鐵長沙灣站A出口，曾目睹不少乘客在站內近出口位置「偷雞」吸煙，嚴重影響其他乘客，卻鮮見港鐵職員巡查執法。
港鐵發言人表示，港鐵範圍內禁止吸煙，並知會長沙灣站職員加強留意有關情況；又指職員會不時於車站及車廂巡查，車站及車廂已張貼告示提醒乘客勿在港鐵範圍內吸煙，根據港鐵附例，違例者最高可被罰款五千元。若乘客目擊有關情況，可即時聯絡車站職員作出跟進。
「邊個唔知港鐵唔畀食煙？貼告示都冇用，依家人哋係見冇人巡先偷雞食！」何先生希望港鐵職員能遵守承諾加強巡查。