中環出更：霍震霆清爽Look現身商場
唔做立法會議員嘅霍震霆（Tim），少咗開馬拉松式會議，心廣體胖。尋日傍晚七點，佢單拖現身金鐘太古廣場，裝扮好特別，畀人耳目一新嘅感覺，唔通因為天氣好熱？
Ｔ恤短褲加波鞋
點解咁講？Tim霍尋日以鴨舌帽配襯一條孖煙囪式短褲，露出發達腿肌，着咗對波鞋，認真矚目，仲孭咗個斜孭袋，戴埋黑超，成個明星咁款。佢喺件繡上奧運五環標誌嘅Ｔ恤下，大肚腩顯而易見。可能Tim霍都知呢排少運動，行路時十足競步咁快。卓妮上前打招呼，佢起初無乜反應，佢唔係唔睬人，而係戴住耳機聽緊歌。佢最後都發現咗卓妮，即笑騎騎話：「唔好意思，我趕住去食飯。」隨即行入一上海菜館，開餐去也。
卓妮