固定車位遭佔 月租客叫苦
上水彩園邨居民方先生一直租用邨內露天固定車位，但近日發現車位常被其他車輛佔用，「個車位明明係我租嘅，個個月都準時交租，但就成日都畀其他人霸咗個位，領匯唔理、管理公司又唔做嘢，搞到條邨成個免費停車場咁！」方直指其他露天固定車位租用者亦遇同樣情況，不滿管理公司未有處理問題，對租用者構成極大不便。
領匯將有關問題交由管理上述車場的富城物業管理有限公司回覆查詢，該公司發言人表示，一直有對違例泊車輛進行即時扣鎖行動，並再次訓示前線職員，一旦發現有違例停泊情況，須嚴格執行相關扣鎖行動。
「根本就冇鎖車呢回事，從來都冇見過，如果佢哋有做嘅話，就唔會日日都有人霸位啦！」方先生直指管理公司的回應與事實不符，要求領匯正視事件，避免問題愈趨嚴重。