政情2.0：涉僭建話唔知枉稱「大狀黨」

本報尋日獨家報道公民黨立法會議員陳家洛同郭榮鏗位於海怡半島商場嘅聯合辦事處，涉嫌非法僭建大型閣仔，但兩人辯稱自己只係租客，承租時唔知道有僭建問題。該黨另外兩名議員湯家驊同毛孟靜，亦曾被揭發大宅涉嫌僭建，但前者就一度引錯案例話自己冇問題，後者更一直堅稱只係改建而冇僭建，又話冇違法。該黨六名現任議員，先後有四人捲入僭建醜聞，令人質疑呢班飽讀詩書、擁有豐富法律知識嘅「藍血」議員，係咪真係咁無知，成日都被有關物業嘅上手或現任業主欺騙。公民黨不如唔好再叫「大狀黨」，改稱做「僭建黨」啦！