恒隆地產主席陳啟宗前日公開批評財政司司長曾俊華（鬍鬚曾）做唔到「應使則使」，將來會成為香港「大罪人」。身在廣州訪問嘅鬍鬚曾仍然神態自若，尋日回應「大罪人」批評時竟然笑笑口話自己心情非常沉重喎；至於係咪同特首不和，佢反問日日都見到點會不和呢？自言愈做愈興奮嘅鬍鬚曾面對「大罪人」批評，仍可以笑騎騎，究竟係佢寸嘴對陳啟宗嘅批評嗤之以鼻吖？定係佢真係阿Q精神，自我感覺太過良好呢？
