政情2.0:有相為證:搵狗睇

政府新聞處尋日發新聞稿,話港府年報《香港2012》已經出版,並由今日起喺書展發售。其實港府每年都出版年報,一啲都唔覺得出奇,但奇在當局今年竟然搵兩隻狗嚟宣傳,仲話佢哋急不及待,先睹為快喎,認真騎呢!新聞處發放嘅照片除咗有漁護署兩位領犬員上鏡外,每幅相都總有一隻狗瞓喺本揭開咗嘅年報上,唔係比格犬Archie,就係拉布拉多犬CoCo,究竟咁做有乜用意呢?二○一二年又唔係狗年,莫非暗示本年報係畀狗睇嘅?抑或見近期「忌廉哥」紅得滯,想抄橋求其搵隻狗做宣傳呢?

第一手消息請下載on.cc東方互動iPhone/iPad/Android/Windows Phone Apps