政情2.0:公民講場:消防家醜愈冚愈臭

消防處被本報接連踢爆多宗醜聞,凸顯該處內部管理混亂,可惜該處高層未有好好反省,竟然歸咎有「內鬼」向外爆料,下令禁止前線人員利用手機程式同互聯網爆料,企圖臭屎密冚。不過,正所謂紙包唔住火,如果有消防員工對處方感到不滿,就算唔用手機程式或互聯網都有其他渠道宣洩,直接寄信來本報反映都仲得啦,又或者隨便借個電話打嚟本報爆料熱線都得,投訴人身份絕對保密。所以話呢,以處長陳楚鑫為首嘅消防處高層咁樣打壓員工言論自由,製造白色恐怖,只會愈爆愈多,惟有面對錯誤改過,咁至可以收科。

第一手消息請下載on.cc東方互動iPhone/iPad/Android/Windows Phone Apps