旺角橫街僭建印刷店

「呢度明明係一條橫街,誇張到畀人封咗做舖頭,同屋宇署投訴完都冇用,乜依家啲執法部門好似唔使做咁嘅?」陳先生日前途經旺角花園街,發現有印刷店以鐵皮搭建天花,不單結構簡陋,鐵皮更已生銹,擔心有塌下危機,不滿屋宇署對區內僭建視若無睹,更對市民舉報視如無物,有危害公眾安全之嫌。

屋署三個月始回應

屋宇署接獲本報查詢後近三個月始作回應,發言人承認早於去年三月已接獲市民舉報,並派員巡視,證實地下庭院屬僭建物,已根據《建築物條例》向大廈業主立案法團發出清拆令,要求盡快自行安排清拆僭建物。發言人強調,任何人在指定日期過後仍未遵從命令,又無合理辯解即屬違法,可被罰款二十萬元及監禁一年。

不過,陳先生直言對屋宇署的「官腔式答覆」極為反感,「淨係識攞條法例出嚟,我上網查都查到啦,市民舉報都係想佢哋執法,唔通真係要冧落嚟揼親人先理咩」。

第一手消息請下載on.cc東方互動iPhone/iPad/Android/Windows Phone Apps