中環出更:仔女返港 盧浩宏享天倫樂

每逢暑假都係海外留學生回港度假嘅好時機,經營酒樓嘅現代管理(飲食)專業協會主席盧浩宏(Howard)嘅仔女都返港共享天倫。

Howard嘅兒子盧俊宇(Ryan)現正在英國修讀飛機工程二年級,修讀呢科似乎比較冷門,但Ryan話,唔少大型銀行都鍾意請啲飛機工程師做銀行家,鍾意佢哋數口精啲,轉數快啲喎!如果Ryan將來唔做飛機工程師,豈不是多條出路做「賓架」?

Howard之所以容許兒子讀書追求興趣,皆因佢育有兩女一子,依家大女已喺公司幫手,而二女盧偉姍(Vivian)亦喺英國讀緊大學,主修物料研究,即係拆解一種物質由咩分子組成。唔知Vivian有冇諗住畢業後,會否加入飲食界鑽研更多分子料理名菜呢?

用老字號避內地貨

早前有傳內地毒米粉流入本港,加上過去接二連三出現毒奶粉及劣質油等問題食品後,唔少市民都好擔心食物安全。Howard話,其公司已經好少向內地食品商取貨,改用品質有保證嘅老字號品牌或大牌子,就算成本倍升,都要保證市民食得安全咁話。佢仲話,其實烏冬、河粉等麵類都可以取代米粉,一樣咁好食喎。

卓妮

第一手消息請下載on.cc東方互動iPhone/iPad/Android/Windows Phone Apps