「你哋工會邊個話事？」
話說政府提出擴建三個堆填區時，聽聞環境局局長黃錦星同副局長陸恭蕙亦曾邀約白鴿黨及工記嘅議員會面。不過，當局講明唔見白鴿黨嘅環境政策發言人，只係要見卿姐。至於約見工記嘅時候，就同有關人士話：「你哋工會邊個話事o架？」完全漠視佢哋嘅存在，據講郭偉強對此好不滿。
其實又好難怪嘅，大家都覺得兩黨嘅阿姐把聲大啲之餘，對本身政團嘅立場點都清楚啲啦，相比胡志偉同郭偉強，兩位分別係九龍東直選議員同勞工界議員，似乎同堆填區毫無關係。不過，面對堆填區呢啲議題，正係代表各黨嘅環境政策發言人發功嘅時候，睇嚟兩位發言人要加把勁喇！