投注站旁 彩票隨街丟
每逢賽馬日，位於天水圍銀座廣場的馬會投注站內、外均有大批馬迷聚集，賽事結束後即遺下大量彩票及垃圾，近天城路出口一帶行人路及花槽更成為「重災區」。楊先生不滿亂拋垃圾者有欠公德，要求食物環境衞生署加強打擊，「啲人真係好冇公德心，跑完馬就丟晒啲飛同水樽喺度，食環署又冇乜人嚟巡，搞到呢度好似垃圾崗咁！」
食環署發言人表示，接獲本報轉介後已派員於賽馬日賽事完結前突擊巡查，但未發現有人隨處拋棄垃圾，及後亦於附近行人路增設廢屑箱，方便市民使用。
「附近一直都有垃圾桶啦，啲人根本就唔用，食環署放多個又有咩用？」楊先生不滿食環署虛應市民投訴，認為當局應於賽馬日加強到上址巡查，一旦發現有人遺下垃圾需即時檢控，以提高阻嚇力。