政情2.0:今日你上鏡:食力簡現身撐「平民化」高球場

尋晚跑馬地馬場舉行煞科賽事,我哋就喺場內見到位稀客,佢就係自年初刑滿出獄後,久未露面嘅五屆冠軍練馬師簡炳墀(食力簡)。佢笑言,已經好耐冇入馬場,今次係希望親身力撐愛徒葉楚航爭奪冠軍練馬師寶座。近日市民要求政府收回粉嶺高爾夫球場用地興建住宅嘅聲音此起彼落,食力簡就話,佢囝囝都擁有該高球場嘅會籍,但佢覺得政府應該將球場「平民化」,讓普羅市民都可以入去打波,免得球場淪為有錢人嘅樂園。問佢仲有冇關心鄉議局嘅事務,佢笑言,自己仲係鄉議局嘅永遠顧問,但只「顧」而不「問」喎!