政情2.0：廢腑之言：倡剷平大嶼山星爺明恰牛牛

新界東北發展計劃再次成為新聞焦點，立法會金融界議員吳亮星（星爺）就認為，政府唔應該只將眼光放喺新界東北，其實香港仲有好多寶貴土地一直曬太陽，好似大嶼山嘅靚地有成十幾個山頭咁多，應該將個山頭剷平，然後效法九肚山模式發展低密度住宅，最少可以提供到一萬個單位。咁聚居於大嶼山啲牛牛點算呢？星爺就話唔使咁驚，啲牛係唔會JR（司法覆核）政府o架嘛！真係難為佢講得出口，相信好多市民寧願政府先剷平粉嶺高爾夫球場、收番晒啲廉價批出嘅康樂用地，都唔想趕絕大嶼山啲牛牛囉！