中環出更：愛駒「陪跑」攞第三 彭穎生報喜
青年議會副主席、女童軍香港總監彭徐美雲嘅公子彭穎生（Victor）日前離港公幹，尋日特別坐早一班飛機趕入沙田馬場，為佢同父母共同擁有嘅愛駒「羅馬神駒」打氣。初時Victor認定愛駒只屬「陪跑」，最終竟以一個馬鼻之差贏個第三，令Victor喜出望外，即時致電向身處外地嘅父母報喜。
Victor話，母親正喺東京出席女童軍嘅亞太區會議，爸爸彭曉明都陪同出差。Victor子承父業，打理工業安全用品公司嘅採購業務，今次佢飛往印度加爾各答及巴基斯坦洽商生意。為免水土不服，佢自備蒸餾水、乾糧同止瀉藥物。
今次Victor公幹嘅目的，係想向當地採購手套、頭盔、口罩等職安用品，再轉售到內地及歐美市場。佢話，感到內地競爭力下降，所以想開發中國周邊嘅新興市場，印度嘅出品成本較低而質素好，係理想嘅投資地。
卓妮