究竟港府今次點解會「棄美選韓」，莫非係趕潮流？有政府中人話，其實換手機品牌未必有咩特別原因，因為政府每隔一段時間，當局都會入一批手機，供有需要同事更換，所以一切都係按規矩同程序辦事喎。另有人則笑言，倘落實換手機計劃可惠及中低層官員，因為更換手機後可騰空佢哋原有手機，再換畀其他有需要嘅同事。
須慎防洩機密
不過，有政府中人話，其實換手機品牌事小，選用唔同系統嘅手機先至煩，事關要將舊手機嘅機密資料過落新手機要好小心先至得，否則外洩資料就弊喇；加上美國中情局「走佬特工」斯諾登早前大爆美國監控風波，最重要係網絡安全同資料加密方面萬無一失喎。