政情2.0:今日你上鏡:大輝帶隊

好多立法會議員都會帶同街坊、業界代表或學生遊覽立法會大樓,但帶返同自己同名嘅學校學生遊立法會就少見喇。工業界代表林大輝日前就帶咗一班就讀林大輝中學嘅中五生遊立法會。大輝話,帶學生嚟既可以上通識課,又可以參觀吓新大樓呢座建築物喎。其實新大樓除咗地方大咗外,亦為一班議員提供多一個新景點,如果將議員示威完嘅道具擺出來展覽,相信會更加吸引。