昨未履新 滿場飛打交道
由於尋日係七一公眾假期,所以Adeline應該今日先至履新,難得佢唔介意做義工,滿場飛同會董及賓客打交道,認真抵得諗。佢坦言,可以借呢個機會對商會加深認識,事關會長同副會長就見得多,但會董就有成一百個,要記晒每一個名字都唔容易,但佢就話會加倍努力去記o架喇。
廠商會明年成立八十周年,Irons預告重頭戲,將撥捐八位數字予本地一間大學,但捐畀邊間仍未有定案。卓妮見佢曬黑咗又Fit咗,原來佢一向有坐骨神經痛,最近聽醫生話勤游水紓緩痛症,結果減磅之餘,連帶血脂、膽固醇水平都靚晒,做起事都特別起勁喎。
卓妮