黨團唔肯泵水
冇聽錯吓嘛，自由黨內部收到風都唔即刻泵水買雪櫃？李梓敬解釋，除咗因為青年團工作同地區支部冇直接關係而拒絕泵水外，黨團認為雪櫃唔算係必需品，所以想用雪櫃就惟有自掏荷包喇。不過，李梓敬呢兩日收到報料，話寶馬山一個私人屋苑有戶人家搬屋，將所有唔要嘅家庭電器交畀保安室保管，睇吓有冇有心人想去執，而李梓敬二話不說就決定去執人哋垃圾。
其實以李梓敬嘅富貴背景，相信返屋企求其搬其中一個雪櫃去辦事處咪唔使咁頻撲囉，佢就謙稱如果搬屋企個雪櫃出嚟，自己就冇雪櫃用喎。
為咗班黨友可以將飯盒放雪櫃而唔使捱外賣，李梓敬咁抵得諗又咁出力，難怪咁得黨內高層歡心，有望穩坐副主席啦！