政情:廢腑之言:推國教科吳克儉模棱兩可

第四屆特區政府去年上任後都仲未企穩,就已經被國民教育風波衝擊到幾乎招架不住,數以萬計嘅市民上街,教育局局長吳克儉要由政務司司長林鄭月娥出手相救,林鄭因而有奶媽之名。呢屆政府上任近一年,國教風波成為明日黃花,不過吳克儉對國教呢兩個字仍然好小心對待,佢尋日宣布唔同搞到佢一身蟻、由教聯會營運嘅國民教育中心續期,又搭單話推行國教係理所當然,但會交由學校及辦學團體自行決定是否推行呢科,教育局唔會就課程大綱作視學安排喎。既然可以由學校自行決定是否推行,又點體現係理所當然呢?