外牆石屎剝落 行人隨時「中頭獎」
「成幅牆嘅石屎甩晒，仲甩到見晒底，啲磚頭跌落嚟揼親人點算？」李小姐日前途經佐敦廣東道時，發現有樓宇外牆出現嚴重批盪剝落，整幅牆身均布滿裂痕，露出紅色磚頭，擔心途人安全不保，要求屋宇署儘快跟進。
屋署拖延跟進
本報於去年十二月初將個案轉介予屋宇署處理，事隔半年始獲回應。發言人承認，早在一一年已接獲有關舉報，派員視察後着承建商先將鬆脫外牆批盪清除，再按《建築物條例》要求業主勘測及維修，惟有關業主超出指定限期仍未展開工程，遂於去年底發信，警告業主指當局將考慮作出檢控，並安排政府承建商先行維修，事後再向業主追討清拆及監工費用。
李小姐坦言不滿屋宇署拖延跟進，認為維修及保養樓宇雖屬業主責任，但當危及市民安全，屋宇署作為主責部門亦需及時處理，「如果個個都奉公守法，政府就唔使請咁多人做嘢啦，成兩年幾到依家都仲未搞掂，屋宇署擺明歎慢板！」