政情：有相為證：投注怕「光」

好多人都想中六合彩，原來行政會議召集人林煥光（WK）都唔例外，不過佢似乎唔係好想畀人知。上周二放工時間，我哋見到佢喺尖沙咀漢口道一間投注站買六合彩。WK全程小心翼翼，不時左顧右盼，行入投注站之前，更忽然戴上鴨嘴帽遮面，似乎想掩飾身份。佢走到票箱前，攞咗一疊自行填寫號碼嘅六合彩飛，然後搵咗張枱，揸住支筆埋頭苦幹。只見佢好專注咁畫「冧巴」近五分鐘，走到自助投注機前，純熟地將畫好嘅六合彩飛放進機內下注。買完六合彩，WK踏出投注站立即除帽大解放，好似咩事都冇發生過咁，繼續慢條斯理搭港鐵到旺角。其實買六合彩係合法嘅博彩活動，WK因乜解究咁唔見得光呢？