政情：公民講場：怕咗大劉炸彈 澳司法兒戲?

正當澳門世紀巨貪奇案開始審訊，澳門終審法院日前卻預審裁定，指無充分迹象顯示澳門行政法務司司長陳麗敏喺批出舊西洋墳場十幅永久墓地事件上，涉嫌觸犯偽造文件、瀆職及濫用職權罪名，故決定不予起訴。一句「無迹象顯示犯罪」就決定不予起訴，令人聯想到目前審訊緊嘅世紀巨貪奇案，案中嘅華人置業主席劉鑾雄（大劉）以健康為由拒絕到澳門出庭應訊，澳門司法部都接納，係咪兒戲咗啲呢？難怪有人估計澳門法庭最終會放過大劉。點解？咪因為大劉攬住個炸彈，一旦出庭應訊，隨時會令政商界千絲萬縷嘅黑幕曝光囉。