立法會議員好多時候喺假期都要工作，咁啱尋日父親節，班議員又點過呢？
成日自嘲係「宅男」嘅資訊科技界代表莫乃光（Charles），尋日就上載咗張同爸爸影嘅舊照，原來張相有三十幾年歷史，Charles話記得當年只係讀中三，估唔到佢咁後生已經咁型喎。議員陳恒鑌（阿Ben）亦大晒囡囡送畀佢嘅禮物，佢話阿女今年畫咗幅畫畀佢，雖然幅畫嘅比例錯晒，條呔同佢個頭差唔多大，但由於係阿女送嘅第一份父親節禮物，咩都收貨啦。
