
元朗區議員黃偉賢(左)與鄺俊宇不滿九巴漠視民意,強行取消268B線平日班次。
「聲都唔聲就冇晒啲車,我搭開268B返工,試過等咗成個鐘都冇車,搞到好狼狽!」劉先生指行走元朗至紅磡的268B線大部分班次早前在毫無預警下消失,令乘客大失預算。事實上,268B線部分班次遭強行削減,九巴新增一條68E線則行走元朗公園至八鄉,但被指客量疏落、資源錯配。
告示不起眼 乘客遭誤導

268B線平日班次取消後,仍有不少市民於巴士站候車。

巴士站告示資訊含糊,僅以「傍晚」二字概括早上八時半以後所有班次。

乘客心聲
盧小姐:「有咁多人排緊隊,個個都唔知道冇咗車,之前又唔見九巴有公布。」
盧小姐:「有咁多人排緊隊,個個都唔知道冇咗車,之前又唔見九巴有公布。」

梁先生:「吓?冇咗(268B線)?咁以後出九龍咪好麻煩,一定要轉車或者搭西鐵。」
鄺又指新增的68E線行車路線迂迴且價格偏高,「咁樣即係逼人去大欖隧道轉車,決定之前點解冇公布?」
268B轉繁忙時間服務
九巴發言人表示,268B客量於港鐵南環線通車後大幅下跌,九巴遂於去年建議重整268B線。有關建議分別於前年經元朗區議會諮詢、今年獲運輸署審批,最終在今年五月中實施。現時268B線由全日服務轉為只於繁忙時段服務,騰出的資源用於開辦全日行駛的68E循環線,以取代68M線早上特別班次,乘客可於大欖隧道轉車站轉乘其他車輛前往其他地區。
運輸署發言人則說,九巴曾於上年度的元朗區巴士路線發展計劃中建議重組上述路線,經元朗區議會諮詢後,措施於今年五月中生效。截至五月底,當局共接獲八宗相關投訴。
「多人搭嘅就減,冇人搭嘅就加,根本係錯配資源!」元朗區議會交通及運輸委員會委員黃偉賢狠批九巴作虛假諮詢,即使面對多名區議員反對路線重整,依然逆民意而行,「九巴面對港鐵競爭唔應該即刻投降認輸,可以考慮延伸路線或者減車費吸引乘客!」黃要求九巴正視問題,並加強資訊流通,避免市民白等車。
記者:陳倩儀、楊育輝