政情：今日你上鏡：惹人揣測

公務員事務局局長鄧國威尋日下午喺金鐘政府總部會見公務員團體，就今年加薪方案解畫。大批記者等候佢哋開會期間，忽然見到廉政專員白韞六同廉政公署酬酢制度檢討委員會成員梁智鴻先後到場，唔通佢哋係約埋去見特首梁振英，匯報廉署及檢討委員會調查「貪湯」前廉政專員湯顯明嘅進度？不過，我哋後來再見到行政會議成員張志剛及前立法會議員梁劉柔芬先後現身，兩人與梁智鴻都係廉政公署事宜投訴委員會嘅委員，相信今次只係有關委員會舉行定期會議，未必同貪湯有關。