政情：公民講場：衞署豪批有薪假高永文懶闊佬

本報尋日獨家報道踢爆衞生署，罕有「豪批」一年有薪假期予該署助理署長蔡美儀，接受實習大律師嘅訓練，以取得執業資格，期間全數支取約一百六十萬元薪酬，被批評有濫用公帑之嫌。不過，作為頂頭上司嘅食物及衞生局局長高永文尋日死撐話，公務員事務政策容許部門首長按照機制，批准適合嘅公務員接受與職務相關嘅培訓，又話如果衞生署有個具法律知識嘅專家會有幫助喎。其實好多政府部門都可能涉及法律問題，咁係咪個個部門都批准員工享有一年有薪假期去讀法律呢？讀完之後又係咪保證會繼續為政府効力呢？如果個個部門都有自己長駐嘅法律顧問？律政司嘅存在價值又係乜呢？