電輪椅公園飛馳牙煙
電動輪椅公園飛馳，在遊人間高速穿梭，險釀意外！經常到天水圍公園晨運的李女士指出，曾多次目睹有電動輪椅高速行走，「架（電動）輪椅行得好快，仲要喺人群中間飛嚟飛去，真係好牙煙！」李更曾目擊有遊人險被電動輪椅撞倒而與電動輪椅使用者發生爭執。
康樂及文化事務署發言人表示，公園職員曾發現有使用電動輪椅的市民進入天水圍公園，但速度一般不高。發言人續稱，現時沒有指引規管電動輪椅在該署轄下場地的行駛速度，倘發現速度太高而對遊人構成滋擾或危害，職員會即時勸喻有關輪椅使用者減低速度。
仲快過單車 好易意外
「公園連單車都唔可以踩，但有時啲電動輪椅仲快過單車，康文署應該貼多啲告示叫人唔好駛咁快！」李女士認為電動輪椅行駛速度過高容易造成意外，要求康文署張貼告示提醒相關使用者降低行駛速度。