貪湯前廉政專員湯顯明在任時嘅醜聞愈揭愈臭，嚴重敗壞廉政公署成立近四十年樹立嘅肅貪倡廉核心價值，就連廉署社區關係處首任處長余黎青萍都睇唔過眼，含淚痛斥貪湯行為，並表示心痛。余太又用「罪惡」同七七年警廉衝突來比喻貪湯事件，話唔希望「一小撮人」嘅行為影響廉署嘅金漆招牌。余太之所以咁心痛，皆因佢唔想因為一個貪湯就敗壞晒成個廉署嘅聲望，所以各方面必定要向貪湯追究到底，就好似用殺蟲水將害蟲一一殺滅！
