政情：今日你上鏡：黃金戰士

立法會保安事務委員會尋日拉大隊參觀消防處西九龍訓練中心，原本都係正正經經咁介紹同示範救火流程，後尾愈嚟愈震撼，喺實火訓練區模擬火場閃燃效果就更加令到大家嘖嘖稱奇，點知好戲原來在後頭！喺活動尾聲嘅時候，訓練中心失驚無神拎咗一大堆名為PBI抗火衣物嘅黃金戰衣畀各議員試着，令到現場變得好似嘉年華咁歡樂（圖）。

消防處事後解畫，話今次所有試着嘅戰衣都係局方預留嘅全新後備制服，日後會留作後備之用。其實每個消防員都獲分配兩套專屬私伙，而各部門都會預留一批多出嘅消防制服，以備不時之需咁話喎。咦，唔知邊個幸運兒會中頭獎，有機會同咁多位議員有肌膚之親呢？又話今次處方安排試着環節，其實係想一眾議員感受下黃金戰衣嘅防火重量同質量啫。

（潘思維攝）

第一手消息請下載on.cc東方互動iPhone/iPad/Android/Windows Phone Apps