政情2.0：有相為證：立會現空「器」

立法會班議員經常困喺大樓內開會同工作，大樓嘅空氣質素直接影響佢哋嘅健康。我哋日前就喺會議廳外見到擺咗一部空氣質素檢測儀器，唔通大樓落成咁耐，啲空氣仍然存有揮發性化合物？非也，實情係立法會參加咗政府嘅「辦公室及公共場所室內空氣質素檢定計劃」，所以就委託機電工程署喺今個星期到立法會大樓做檢測。直到今日為止。原來立法會已經參加咗呢個計劃幾年，而去年就獲發「室內空氣質素檢定證書卓越級」，班議員就唔使擔心大樓空氣質素差喇。