政情：兩子輪流畢業 (先刂)雞網晒開心

赴美四口團聚

(先刂)雞尋日早上喺社交網站上載咗同太太及大仔一齊喺喬治華盛頓大學影嘅相，我哋見到後就透過電話短訊恭喜佢。仲話因為大仔畢業好開心，而佢喺波士頓讀中學嘅細仔亦都特登飛去華盛頓恭賀哥哥。其實(先刂)雞開心都有原因，皆因大仔唔止畢業，而且已經喺美國搵到工，將會喺銀行任職，六月就返工喇。

(先刂)雞出席完大仔嘅畢業禮後，下星期又要去埋波士頓出席細仔嘅畢業禮，之後一家四口先至齊齊回港。佢細仔已經獲得美國一間大學取錄，之前講過話想修讀生物力學，但依家又話可能會讀經濟金融方面嘅學科，真係仔大十八變。