政情：你日你上鏡：剪布「逃兵」

立法會昨午終於結束審議財政預算案嘅「拉布戰」，唔少建制派議員都乖乖留低見證主席狠狠「剪布」。不過，作為新丁嘅鍾樹根就提早喺中午約十二點半鐘離開立法會，點知一步出大樓就撞正人民力量同社民連示威，嚇到即刻急步離去，唔知係咪趕住去食飯呢？咪以為樹根十二點半鐘就叫做好早離開，原來新民主同盟范國威仲早出去食飯，喺一點半鐘剪布前已經喺中信大廈一間酒樓食完飯離開，咁早逃出立法會，咪係為咗同老婆見面撐枱腳囉！