中環碼頭違泊執法不力
中環上班族的林小姐發現，民光街近中環八號及九號碼頭一帶常有小型貨車於行人路停泊，令途人安全備受威脅，「有咩理由成五、六架車剷晒上行人路都冇人理？有啲仲離譜到泊喺盲人引路徑上面！」林不滿警方鮮有到場巡察及執法，令違泊問題愈見嚴重。
警方發言人證實，於今年首兩個月已接獲七宗相關投訴，並向違例司機發出一百張定額罰款通知書。發言人強調，警方會繼續密切留意上址，並向違反道路交通條例者採取適當的執法行動，包括發出口頭警告或票控，以確保道路安全和交通暢順。
「抄咁多次牌都冇改善，係咪即係罰則唔夠阻嚇性？」林小姐直指上址違泊情況無改善，質疑警方執法成效不彰，建議加強巡察及加重罰則嚴懲屢犯者。