咪睇立法會議員單仲偕（（先刂）雞）西裝骨骨，斯斯文文，但其實佢都幾「霸道」吓！有日傍晚時分，我哋見到（先刂）雞拎住個脹卜卜嘅背囊式公事包搭地鐵，佢搵到位坐低後，就將個背囊放喺座位前，而為咗遷就個背囊，佢將雙腳掰開嚟坐，搞到坐喺隔籬個女仔都要縮埋一邊。期間見佢狂玩手機，玩咗十分鐘後，佢突然將視線轉向隔籬位，原來係偷（目及）鄰座乘客手上本漫畫書，唔通（先刂）雞以前都係漫畫迷？
（嚴少阡攝）
